Antibiotic Misuse

ഈ ഇടക്ക് ഒരാൾ മെഡിസിൻ വന്നു. മാസങ്ങൾ മാത്രം പ്രായമുള്ള ഒരു കുഞ്ഞിൻ MOX CV drops (ആന്റിബയോട്ടിക് ആണ്). കുറിപ്പടി ഇല്ല. ഫോട്ടോ ആണ് കാണിച്ചു തന്നത്. കഫകെട്ട് ആണെന്ന് പറഞ്ഞു. ഡോക്ടറെ കാണിച്ച് ഫ്രഷ് കുറിപ്പടി വേണമെന്ന് പറഞ്ഞപ്പോൾ, കണ്ണൂർ പോയി കാണിക്കണം, ക്യൂ നിക്കണം എന്നും പറഞ്ഞു. തളിപ്പറമ്പ് കാണിച്ചാൽ പോരെ എന്ന് പറഞ്ഞപ്പോൾ, അവിടെ കാണിച്ചാലെ മാറുള്ളു എന്നാണ് മറുപടി. MOX CV തളിപ്പറമ്പിലെ ഡോക്ട്ടർ എഴുതിയാൽ മാറില്ല, കണ്ണൂർ ഡോക്ടർ എഴുതിയാലേ മാറും എന്ന് ചുരുക്കം. അങ്ങനെ കഴിച്ചാൽ കുട്ടിക്ക് എന്തെങ്കിലും സംഭവിക്കും എന്ന് പറഞ്ഞിട്ട് പോലും മനസ്സിലാവുന്നില്ല. ഇനി കണ്ണൂർ കാണിച്ചാലെ മാറും എന്നിരിക്കട്ടെ, അതിൻ സമയമില്ല പോലും. പിന്നെ ആർക്ക് വേണ്ടിയാ ഇത്ര കഷ്ടപ്പെട്ട് പണി എടുക്കുന്നെ ആവോ? ഇത് തന്നെയാണ് പലരുടേയും അവസ്ഥ. ചിലർ അറിവില്ലാഞ്ഞിട്ടാണ്, കാര്യം പറഞ്ഞാൽ മനസ്സിലാവും. മറ്റു ചിലർ നേരെ തിരിച്ചും, എത്ര പറഞ്ഞാലും മനസ്സിലാകാൻ തയ്യാറെല്ലന്ന വാശിയാണ്. "കൃത്യമായ അളവിൽ കൃത്യമായ സമയത്ത് മരുന്ന് ഉപയോഗിച്ചാൽ രോഗം മാറും, ഇല്ലെങ്കിൽ പോയിസണാണ് മരുന്ന്". കഴിഞ്ഞ ദിവസം ഒരമ്മ മകളെ എറിഞ്ഞ് കൊല്ലുകയാണ് ചെയ്തതെങ്കിൽ, നമ്മളിൽ പലരും വിഷം നൽകി കൊല്ലുന്നു, അത്രേ വിത്യാസമുള്ളു.

ആന്റിബയോട്ടിക് കഫ കെട്ടിനുള്ള മരുന്നല്ലെന്ന് ആദ്യം തിരിച്ചറിയുക. പഴുപ്പ് കുറയ്ക്കാൻ, അത് ഉണ്ടാകുന്ന ബാക്റ്റീരിയയെ കൊല്ലാനാണ് ആന്റിബയോട്ടിക്. എല്ലാതെ സാധാരണ ജലദോശത്തിനും, വയറൽ പനിക്കും, കഫക്കെട്ടിനും ഉള്ളതല്ല. അതികമായാൽ അമൃതവും വിഷം എന്ന് കേട്ടിട്ടില്ലെ?. അനാവശ്യ, അമിത ഉപയോഗം ചെയ്താൽ, ബാക്റ്റീരിയകൾക്ക് ആന്റിബയോട്ടികുകളെ പ്രതിരോധിക്കാനുള്ള ശക്തി സ്വയം ഉണ്ടാവുകയും പിന്നീട് മരുന്നിനോട് പ്രതികരിക്കുകയും ഇല്ല. ഇതൊക്കെ ഓർത്താൽ നിങ്ങൾക്ക് കൊള്ളാം. കുട്ടികൾക്കായാലും വലിയവർക്കായാലും നിങ്ങളുടെ കുഴി നിങ്ങൾ തന്നെ സ്വയം കുഴിക്കുന്നതിൻ തുല്യം. എല്ലാം കഴിഞ്ഞിട്ട് വാവിട്ട് കരഞ്ഞിട്ട് കാര്യമൊന്നുമില്ല.

HL: കൃത്യമായ അളവിൽ കൃത്യമായ സമയത്ത് മരുന്ന് ഉപയോഗിച്ചാൽ രോഗം മാറും, ഇല്ലെങ്കിൽ പോയിസണാണ് മരുന്ന്