Uppapa🥰

ഏറ്റവും ടെൻഷനുണ്ടായ ഒരു ദിവസം ഉപ്പാപ്പന്റെ കൂടെ മനസില്ലാ മനസ്സോടെ ഒരു കല്യാണത്തിൻ പോയി. ഉപ്പാപ്പാന്റെ കൂടെ ആയത് കൊണ്ട് അന്ന് ഒരുപാട് പേര് വന്ന് കൈ കൊടുക്കുന്നുണ്ടായിരുന്നു. ഓരോരുത്തർക്കും എന്നെ പരിചയപ്പെടുത്തിയും കൊടുത്തു. പേരക്കുട്ടിയായത് കൊണ്ട് തന്നെ എല്ലാവരും എന്റേയും കൈപിടിച്ചു. കഷ്ടപ്പെട്ട് ഒരു പ്ലാസ്റ്റിക്ക് ചിരിയൊക്കെ ചിരിച്ച് ഓരോരുത്തർക്കും കൈ കൊടുത്തു. ഉപ്പാപ്പാന്റെ കൂടെ പുറത്തിറങ്ങിയാൽ അങ്ങനെയാ, ഒരുപാട് പേര് വന്ന് കൈ തരും. ഭക്ഷണം കഴിക്കാൻ കൂടെയിരുന്നാൽ ഏറ്റവും നല്ല കഷ്ണം അടുത്തുള്ളയാളുടെ പ്ലേറ്റിൽ ഇട്ട് തരും. വേണ്ടെന്ന് പറഞ്ഞാൽ ചിരിച്ച് കൊണ്ട് കഴിക്കാൻ പറയും. അദ്ദേഹം ഇന്ന് ഈ ഭൂമിയിൽ ഇല്ല. അദ്ദേഹത്തിന്റെ ഖബർ ജീവിതം പടച്ചവൻ സന്തോഷത്തിലാകട്ടെ - ആമീൻ.

അപ്പോൾ പറഞ്ഞ് കൊണ്ട് വന്നത് ചിരിയെ കുറിച്ചായിരുന്നു. അന്ന് ചിരിച്ച് കൊണ്ട് ഒരുപാട് പേർക്ക് കൈ കൊടുത്ത് കല്യാണ സൽക്കാരം കഴിഞ്ഞ് വീട്ടിൽ എത്തിയപ്പോൾ മനസ്സിൻ എന്തെന്നില്ലാത സന്തോഷമായിരുന്നു. അന്നാണ് മനസ്സിലാക്കിയത്, ചിരിച്ച് കൊണ്ട് കൈ കൊടുക്കുക എന്നതിൻ ഒരുപാട് മാറ്റങ്ങൾ മനുഷ്യരിൽ വരുത്താൻ സാധിക്കുമെന്ന്. "ചിരി" ദൈവം തന്ന ഒരു പ്രസാധമാണ്. മനുഷ്യരുടെ മുഖത്ത് നോക്കി കളങ്കമില്ലാതെ ചിരിക്കാൻ എനിക്കും നിങ്ങൾക്കും കഴിയട്ടെ.

അവസാനിപ്പിക്കുകയാണ്. നബി (സ) പറഞ്ഞു: "ഹൃദയം അറിഞ്ഞ പുഞ്ചിരി ധർമ്മമാണ് ".

ഇന്ന് ലോക പുഞ്ചിരി ദിനമാണ്. #Keep_Smiling